mohamed

mohamed

mohamed has not set their biography yet

Posted by on in BlackBerry Service

angry-on-the-phoneانا اولا مش عايش فى مصر ونازل اجازة 3 شهور المهم لسوء الحظ اختارت فودافون !اغرونى انهم عاملين عرض 3 شهور مجانا لخدمة البلاك بيرى !! وده المفروض يكون كويس ليا والمفروض ان فى العرض بينزل 5 ميجا ليك يوميا ولو استخدمت اكتر من كده بتتحاسب كل ده جميييييل جدا
المهم ..انا مكانش بينزلى ولا حتى ربع ميجا !! وكل ما اجيب كارت علطول بيخلص كانو بيحسبونى على كل حاجه حتى لو تويته !
اتصل بيهم اول مرة الصراحة كانو لطاف واعتزروا وقالولى هنرجعلك الرصيد وفورا رجعلى 40 جنيه
وتعهدو ان ال5 ميجا تنزل
عدى 3 ايام والخدمة زى الفل وفعلا ال5 بينزلو وبعد كده رجعت نفس المشكلة
اتصلت تانى مرة رجعولى 60 واتخانقت معاهم !! 
وبرضه اتعهد ان كله تمام 
وحصلت المشكلة لتالت مرة !!!!!!
حكيت مشكلتى على تويتر وشتمت وقولت انى هغير الشبكة 
 اتصل بيا واحد بيقولى احنا اسفيييين جدااااا والمشكلة كانت ان السيستم عامل مشكلة مع العرض ال3 شهور !! ومش بينزل ال5 ميجا 
قولتله وانا مال امى بالسيستم ؟؟؟
قالى انا هشحن لحضرتك ب100 جنيه واطلعك من العرض يعنى انتا معاك 150 ميجا فالشهر 
قولت انا فعلا ظلمتهم
المهم قفل من هنا ورجعت تانى نفس المشكلة !!!!
ساعتها مقدرتش امسك نفسى نزلت زى المجنون على اقرب فرع وهزئق الموظفين واتصل ب888 وكانت الصدمة الاكبر 
الموظف بيقولى مفيش حد شحنلك ب100 لخدمة البلاك بيرى 
وياريت كدة وبس دة كمان ال5 بينزلو وحضرتك بتعدى ال5
ههههههههههههههههههههههه

ادينى عقلك

المهم قررت طبعاااااااااااااااا تغيير الشبكة

Hits: 3120 Comments
Rate this blog entry:
0