موظفين فودافون مصر يحتاجون

Posted by MG on Sunday, 20 January 2013 in News Comments

b2ap3_thumbnail_Angry-Customer-on-phone.jpg


في رسالة على البريد الالكتروني جاني من موظف في فودافون مصر, يحتاج من اوضاع العاملين من فساد و المحسوبية
 و محاباة الأقارب و الواسطة. يليكم نص الرسالة كما جاتني.

 

الى كل العاملين فى فودافون
انا او احنا باعتين الميل ده انهارده عشان عايزين مساعدتكم فى اننا نرجع حقوقنا و نوصل لحل فى اللى بيحصل ده
يا جماعة كلنا بنعانى من نفس المشاكل و كلنا عارفين ايه المشاكل دى

 

  

مافيش احساس بالامان 
حالتنا النفسية سيئة جدا.
مش عارفين نشتغل ولا عارفين نعيش حياتنا بشكل طبيعى بسبب المشاكل اللى بنشوفها كل يوم فى فودافون.
الضغط فى الشغل و قلة التقدير واعتبارنا مواطنين درجة الثانية و مافيش اى احساس من اى حد بمشاكلنا.
كل هم الادارة اننا نشتغل ونعمل كل حاجة مظبوط ونحقق اخر كل شهر نتايج عالية و نحافظ على العملاء و رضاهم و شكل فودافون امام كل الناس امام كل المنافسين و نسيوا ان احنا برضه لينا حقوق و احتياجات لازم نحس ان فى حد مهتم بتوفيرها علشان نقدر نحقق كل ده.
ابسط حاجة ممكن نتكلم فيها الانترفيو والمهزلة الى بتحصل فيه:
ازاى تقيم شخص بقى له معاك سنين من انترفيو ما بياخدش اكتر من دقايق و تنسى كل اللى عمله و قدمه للشركة طول الوقت اللى فات، حتى لو اداءه وارقامه كويسة ازاى تتجاهل كل ده لا و بعد كل الذل ده هتاخد نفس المرتب و تقريبا نفس الامتيازات اللى انت اصلا بتاخدها من غير اى حاجة مع اعتبارك طبعا مواطن فى فودافون من الدرجة الثانية.
ازاى واحد يكون قاعد جنبك و بيعمل نفس اللى انت بتعمله لأ و أقل بكتير قوى و كلنا عارفين و هو ياخد اكتر من ضعف اللى انت بتاخده وبكل الامتيازات – انا بس عايز اعرف التقييم هنا بيكون على اساس ايه كلنا عارفين ان فى كفاءات كتيرة قوى وسطنا مش واخده حقها و ناس تانية اقل بكتير بس علشان يعرف حد من الادارة المستوى الاعلى بيكون مكانه فين.
ازاى بتطلب منى اعامل العميل بشكل لأئق واحافظ على ارضاءه طول الوقت وانت اصلا متجاهل وجودى و مبتعاملنيش كويس كلنا بنحب فودافون وعندنا استعداد نتفانى و نقدم اكثر من كده بكتير بس ناخد حقوقنا او نحس على الاقل ان فى حد سامعنا و حاسس بمشاكلنا مافتكرش ان بأى شكل من الاشكال ان اتصالات و موبينيل أقوى من فودافون أو بتحقق مكاسب اعلى علشان يكون الوضع فى الشركات التانية و الروح المعنوية أعلى بكتير وكل الموظفين بيتم تعيينهم من غير اى اجراءات و لكن بيعتمد على التاريخ بتاعك معاه
ازاى انت تستحمل كل الضغط اللى موجود دلوقتى فى الشغل و تعدى معاه المدة الصعبه ده وبعد كده يقول لك مع السلامة أو يديلك اقل من نص حقوقك!
احنا لينا مطالب محددة و لازم حد يسمعنا و لازم كلنا نكون ايد واحدة و اكيد هنوصل
الانترفيو مش لازم يتاخد فى الاعتبار و كل الناس الى تعبت مع فودافون لازم تاخد حقها
لازم ناخد نفس الدرجة بتاعة القسم اللى احنا فيه ومش هنقبل بنص مرتب ولا بانصاف الحلول
كل الناس اللى تم رفضها لازم ترجع و مش هنقبل ان اللى حصل ده يتكرر تانى
لازم المديرين و السوبرفيزر يتعاملوا معانا باسلوب أرقى من كده و يعرفوا الدور الاساسى بتاعهم فمعرفة مشاكلنا و محاولة نقلها للادارة العليا و احنا واثقين ان الصورة بتتنقل عكس كده تمام ان كله تمام و كل الناس مبسوطة و ده اللى وصلنا له اننا نعمل كده انهاردة
اكيد فى ناس عندها مشاكل اكتر من كده بكتير ومهما قلنا مش هنقدر نوصل لكل الناس علشان كده عايزين كل الناس تتواصل معانا على الجروب وتقول رأيها ومشاكلها و أى مقترح لازم يتاخد فالاعتبار ولازم يوصل للناس اللى فى أيدها فعلا اتخاذ قرارت لان هما الوحيدين الى هيكون عندهم نظرة أو رؤية لخطورة الكلام ده واد ايه ده ممكن يعلى فودافون و تبقى فعلا رقم 1 او تنزلها سابع ارض و تضيع مجهود كل الناس الى تعبت فى بناء الصرح ده زى....
احنا بندعو كل المسئولين فى فودافون انهم يتواصلوا معانا ويقولوا لنا عن قرارتهم واحنا واثقين ان الكلام ده لازم ينظر فيه تجنبا لاى حاجة ممكن تحصل تضر بمصلحة فودافون الى هى مصلحتنا كلنا
احنا منتظرين ردكم على الجروب وفى حاله انكم تقدروا توصلوا و تقفلو الجروب ده احنا هنعتبره رفض مباشر و تجاهل لكل الكلام ده بس احنا واثقين انكم مستحيل تعملوا كده وهتوصلوالحل لكل المشاكل ده انشاءالله
منتظرين ردكم"""""


b2ap3_thumbnail_eeffe.jpg

Rate this blog entry:
0
Tags: Array
blog comments powered by Disqus